Qurbani ya Bheet?

Iss mazmoon ko urdu mein likhnay ka maqsad yeh hai kay qurbani aur bheet donoen ko angrazi mein sacrifice hee kaha jata hai lakin dar-haqeeqat donoen mein bhooth farq hai.

Qurbani ya qurban lafz qurb say nikla hai, jiskay matlab hein qareeb hona ya nazdeek hona, aur qurbani ka matlab hai apni kissi qareebi cheezi ko, kissi aziz cheez ko kissi aur kee khatir zaya kerna, kharch kerna, uskay upper lota dena ya kissi ko day dena.

http://p21chong.files.wordpress.com/2009/07/moses-parting-red-sea1.jpg

Qurbani ke yeh tareef kam-o-baysh haar musalman ko maloom hogi, lakin

Bheet woh tuhfa, woh char-hawa hota hai, ya woh bali hoti hai jo loog apnay aaqa, apnay khud-aoen, ya apnay maleek kee khushi kay lyien paish kertay hein. Balli charhana, ya bheet dena itna hee purana hai jitna kay insaani tareekh. Insaan nay haar zamanay mein yeh kaam kiya hai chahay woh qadeem Misiir ka admi ho ya Uo-naan ka filosopher, chahay woh Rome ka jang-joo ho ya Maya qoom ka boot parast, insaan hamayshah say khudaoen aur aa-qaoen kee khush-nodi kay lyien bali aur bheet charhata arha hai.

Lakin kiya qurbani aur bheet aik hee cheez hein? kyonkay Qurbani bhee Khuda kay lyien dee jati hai aur bheet bhee khuda kay lyien charhayi jati rahi hai, aur angrazi mein donoen ka matlab bhee aik hee hai.

https://i2.wp.com/www.jonfreeman.co.uk/assets/images/Sacrifice_sheep.gif

Bheet mein jo cheez paish kee jati hai uski qeemaat aur uski ehmiyat, uski taadaad aur uska faida dekh kaay dee jati hai, yahaan taak kay insaan khud insanoen kee bheet deta rha hai. Lakin ager isko mant-aaqi toor pay dekhien tu bheet ya bali ka maqsaad ssirf kissi ko koi cheez tho-fa-taan dena hai. Jabkay Islam mein jiss qurbani ka zikar hai woh tu uss azeem baap kee sunnat hai jisko khuda nay tamam nabiyoen ka baap qaarar diya hai. Qurbani tu uss jazbay kee hai jo hum apni kissi azziz cheez ko khuda kee khateer qurban ker detay hein jiss say humko lagaoo hota hai aur aur uss lagaoo kee koi qeemat nhi hoti, yeh tu woh jazba hai jo insaan ko hila kay rakh deta hai, humko sochnay pay majboor kerdeta hai kay janwar say zara mohabaat bhee hamaray haaath hilla deti hai tu kiya jazba tha woh jissnay Azeem Ibrahim aur Ismael ko qurbani kay lyien tayaar ker diya tha, woh waqat jaab zameen auur asmaan hil gaay thay aur Khuda nay apna wada such ker dekhaya, Ibraham (a.s) ko rehti duniya kay lyien izzat aur waqar bana diya, yeh jazba-e-qurbani tamaam asmaani kitaboen mein biyaan kiya giya hai.

Mager ajj kaal hota iska ulta hai, maadah-parassti kay iss mashray mein haar cheez badal gayi hai, ajj kaal qurbani kay janwar ke lakhoen qeemat say napa jata hai, baray say bara janwar izaat aur showraat kee waja samgha jata hai aur yeh riywayaat din ba din barhti ja rhi hai jabkay Khuda farmata hai mugh taak na janwar ka khoon pohenchta hai na uska gosht, sirf Insaan ka Taqwa hai jo qubool hota hai. Tu sochnay kee baat tu yeh hai kay ajj hamaray dill mein kiya waqai qurbani ka woh falsafa baqi hai jo Islam humko seekhana chahata hai ya hum nay iss sanjeeda ibadaat ko bhee mehaz “festival” bana diya hai.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s